ق. توقاەۆ «بولاشاقتىڭ ەنەرگياسى» دەپ اتالاتىن كورمەنىڭ تاقىرىبى بۇۇ-نىڭ ورنىقتى دامۋ ماقساتتارىنا تولىعىمەن سايكەس كەلەتىنىن اتاپ ءوتتى. توراعا بۇۇ مەن وعان مۇشە مەملەكەتتەر «ەكسپو-2017» كورمەسىنە قاتىسا وتىرىپ, جاھاندىق كليماتتىڭ وزگەرۋ پروبلەماسىن شەشۋگە قوماقتى ۇلەس قوساتىنىنا سەنىم ءبىلدىردى.
توراعا قازاقستاننىڭ حالىقارالىق قوعامداستىققا تابىستى ىقپالداسۋى مەن يادرولىق قارۋ سىناقتارىنا تىيىم سالۋ جانە يادرولىق قارۋدى تاراتپاۋ ءتارتىبىن نىعايتۋ جونىندەگى ءبىزدىڭ ەلىمىزدىڭ ۇستانىمدارىنا بۇۇ تاراپىنان قولداۋ كورسەتىلگەنىن اتاپ ءوتتى. «پرەزيدەنت ن.نازارباەۆتىڭ سەمەي يادرولىق پوليگونىن جابۋ تۋرالى جارلىعىنا قول قويىلعان كۇن – 29 تامىز – يادرولىق سىناقتارعا قارسى ءىس-قيمىلدىڭ حالىقارالىق كۇنى رەتىندە بۇۇ-دا اتاپ وتىلەدى», - دەدى سەنات توراعاسى.
ق.توقاەۆ 2030 جىلعا دەيىنگى كەزەڭدەگى ورنىقتى دامۋ سالاسىنداعى بۇۇ-نىڭ جاڭا كۇن ءتارتىبىن ىلگەرىلەتۋدەگى جانە كليماتتىڭ وزگەرۋى ماسەلەلەرىن شەشۋدەگى قازاقستاننىڭ ۇلەسىنە توقتالدى. ول ءبىزدىڭ ەلىمىزدە «جاسىل كوپىر» ارىپتەستىگى باعدارلاماسى ىسكە اسىرىلىپ جاتقانىن, «جاسىل» ەكونوميكاعا كوشۋ جونىندەگى تۇجىرىمداما ۇلتتىق دەڭگەيدە قابىلدانعانىن اتاپ ءوتتى.
بۇۇ-مەن ءوزارا ءىس-قيمىلدىڭ كەلەشەگىنە قاتىستى ايتار بولساق, ول قازاقستاننىڭ قاۋىپسىزدىك كەڭەسىنە تۇراقتى ەمەس مۇشەسى رەتىندەگى وكىلەتتىگىن ىسكە اسىرۋعا باعىتتالىپ وتىر. ء«بىزدىڭ كۇش-جىگەرىمىز يادرولىق قارۋدان ازات ايماققا قول جەتكىزۋگە, حالىقارالىق تەرروريزم جانە زورلىقشىل ەكسترەميزممەن كۇرەسكە, جاھاندىق سوعىس قاتەرىنىڭ الدىن الۋعا, ەۋروپا مەن امەريكا, ازيا مەن افريكانىڭ ۇجىمدىق قاۋىپسىزدىگى جونىندەگى ايماقتىق ۇيىمدارىنىڭ ءبارىنىڭ اراسىنداعى ىنتىماقتاستىقتى كەڭەيتۋگە ارنالىپ وتىر», - دەدى توراعا.
ق.توقاەۆ بۇۇ اياسىندا الداعى ۋاقىتتا استانادا اشىلاتىن «جاسىل» تەحنولوگيالاردى دامىتۋ ينۆەستيتسيالىق جوبالاردىڭ حالىقارالىق ورتالىعىنا دا نازار اۋداردى. ورتالىقتى ورنالاستىرۋ ءۇشىن ەكسپو پاۆيلوندارىنىڭ ءبىر بولىگىن پايدالانۋ كوزدەلىپ وتىر.
سالتاناتقا قاتىسۋشىلار حالىقارالىق كورمەدەگى بۇۇ كۇنىنە ارنالعان بۇۇ باس حاتشىسى انتونيۋ گۋتەرريشتىڭ بەينەجازباداعى ۇندەۋىن تاماشالادى.
شارا بارىسىندا بۇۇ باس حاتشىسىنىڭ كومەكشىسى, بۇۇ-نىڭ ەۋروپا جانە تمد ەلدەرى جونىندەگى دامۋ باعدارلاماسى ايماقتىق بيۋروسىنىڭ ديرەكتورى دجيحان سۋلتانوگلۋ مەن بىرىككەن ۇلتتار ۇيىمىنىڭ ونەركاسىپتى دامىتۋ جونىندەگى (يۋنيدو) باس ديرەكتورى لي يونگ تە ءسوز الدى.
ق. توقاەۆ «ەكسپو-2017» حالىقارالىق كورمەسىن ارالاۋ اياسىندا قازاقستاندىق «نۇر الەم» پاۆيلونىنا قويىلعان جوبالارمەن تانىستى.
